Bos días a tod@s! Como foi a aprendizaxe sobre as abellas?
Que vos parecen estes animais tan interesantes? Como ben sabedes, hoxe é o Día Mundial das Abellas e penso que podemos seguir celebrándoo tendo en conta o que xa comezamos onte!
Que coñecestes das abellas onte? Que foi o que máis vos chamou a atención? Coñeces os distintos tipos que hai?
Hoxe imos coñecer un personaxe importante na vida das abellas, o apicultor ou apicultora que coida e mantén as abellas. Aquí podes ver o traxe tan especial que visten para visitar a estes pequenos animaliños. Podes colorealo se che apetece ao tempo que les o nome de cada parte da que se compón.
Tamén che propoño un xogo de simetría empregando o panal das abellas como base. Anímaste a completalo? Viches que forma ten cada celdiña? Son hexagonais. Podes probar a debuxalas a ver que tal che saen!
Pero cal é o proceso que segue o mel ata que podemos desfrutar del? Deixoche aquí unha imaxe do proceso. E a ti, gústache o mel? Tamén podes elaborar algunha receita con este manxar e amosarnos o resultado!
Un exemplo de receitas con mel: https://ecocolmena.com/crepe-de-miel/
Tamén podemos facer unha visita virtual por un museo do mel. Animádevos!! Se clicas na imaxe, podes acceder á paxina do museo!
Agardo que desfrutedes das actividades! Un saúdo ❤
Ningún comentario:
Publicar un comentario