Xoves científico

Como foi a celebración do día da danza? Agardo que pasarades un anaquiño entretido coas vosas coreografías!

Que vos parece se hoxe, xoves, o adicamos á ciencia e elaboramos algún divertido experimento co limón como protagonista? Ocórreseche algún experimento que poidamos realizar con esta froita?

Experimento número 1: Volcán de limón

Que precisamos?

Comeza preparando os materiais que necesitas para levar a cabo o experimento!

• Un limón
• Un pouquiño de xel 
• Bicarbonato
• Un coitelo

No seguinte vídeo podes ver o proceso de realización do experimento e tamén o resultado. Que divertido!! Non che parece??

Experimento número 2: Tinta invisible

Que precisamos?

• Un limón
• Un bastonciño
• Unha lámpada, lanterna ou candea (neste caso precisas a axuda dun adulto)

Só temos que sacar o zume do limón e empregalo como tinta, escribindo co bastonciño. Pero antes de enviar a nota debes deixala secar!

Así, quen a recibe debe aplicar calor para ver a mensaxe! Que sorpresa!! 

Un saúdo, a desfruta deste xoves de ciencia! ❤

Día Internacional da Danza

Hoxe 29 de abril celebramos o Día Internacional da Danza. 

Pero sabes a que se debe que se celebre hoxe? É o día no que naceu Jean-Georges Noverre, mestre e creador do ballet moderno.

E a ti gústache bailar? Pois celebremos o día da danza!!

Aí vai un exemplo de coreografía cunha canción que vos gustaba moito. Recordades?

Anímaste a danzar un pouquiño? Tamén podes inventar ti unha coreografía coa canción que máis che guste. De seguro que che queda chulísima! Podes compartila no Padlet que inclúo a partir de hoxe se che apetece!

Ademais, podemos facer outras tarefas ben divertidas para celebrar este día de tanto ritmo:

1. Marionetas de dedos para realizar tamén a nosa coreografía cos nosos dediños, dándolle o deseño que máis vos guste!

2. Creamos cintas de baile para facer máis vistosa a nosa danza.

Un saúdo e a desfrutar do día da danza!❤

Padlet, compartimos dende a casa!

Aquí vos deixo un padlet no que podedes subir todo aquilo que queirades compartir c@s compis sobre o que imos facendo!

Martes de primavera!

Como comeza o martes? Espero que estes días sexan un pouquiño máis amenos ao poder pasear un anaquiño cada día.

Hoxe propóñovos realizar un taller de manualidades de primavera, entre elas unha cometa que podedes levar no voso paseo diario e comprobar se voa.

Aquí che deixo algunhas delas a ver que che parecen: 

1. Na primavera, as aves están en plena construcción dos seus niños e alimentación das súas crías. De seguro, que dende a túa ventá e agora se podes saír a pasear, escoitas o bonito canto de moitos paxariños que andan revoloteando polo ceo. Por iso, podemos realizar este niño para celebrar a chegada da primavera e o nacemento de moitos paxariños. 

2. Podes mirar pola túa ventá ou fixarte nas paisaxes que ves cando saes dar un paseo e plasmalo nun debuxo á volta. 

3. Agora si, anímaste a deseñar a túa cometa? Velaquí un exemplo: 

Moito ánimo que xa queda menos e a desfrutar deste martes de primavera!! ❤

Unha eiruga moi larpeira!

Bos días de luns. Hoxe damos comezo a unha nova semana do máis especial, de seguro, para moitos e moitas de vós que podedes saír á rúa!

Un luns máis propoño un pouquiño de lectura e certas actividades referentes a ela. Neste caso un conto de Eric Carle que ao mellor xa coñecedes. 

A súa protagonista é un animaliño moi pequeno pero cunha fame enorme que se pasa o conto comendo e atravesando páxina a páxina ata converterse nunha bonita bolboreta.

Aqúi che deixo un vídeo no que podes desfrutar deste conto tan divertido!

Despois de ver o conto, podes realizar algunhas actividades referentes ao conto como por exemplo: 

1. Representar a eiruguiña con pinzas da roupa ou outros elementos.

2. O xogo da eiruga larpeira, do cal podes atopar as instruccións clicando na imaxe!

3. Ordena o ciclo de vida da eiruga ata converterse nunha bolboreta.

4. Decora a bolboreta.

Un saúdo e bo luns!❤

Van Gogh

Hoxe venres e propóñovos outro autor que seguro que xa coñecedes.

 O seu nome era Vicent pero quizais che soe máis o seu apelido, Van Gogh.

Naceu en Holanda en 1853. Pintó uns 900 cadros e realizou máis de 1600 debuxos. Pero se queres coñecer un pouquiño máis sobre este pintor, podes ver algún anaco do seguinte vídeo!

Anímaste a coñecer máis sobre este autor e as súas obras? Aquí che deixo unha serie de propostas para facer máis entretido este derradeiro venres de abril!

1. Despois de ver o vídeo, podes escribir algunha información do autor. Aquí che amoso un exemplo de ficha técnica que podes cubrir, aínda que podes deseñala como prefiras!

2. Unha das súas obras máis coñecidas chámase "Los girasoles" e vai amosando o xirasois dende que comezan a ter flor ata que esta se marchita. Aquí cha deixo en branco e negro para que poidas intervir na obra deste autor. Logo,clica no título do cadro que aparece subliñado e poderás ver a orixinal! Que diferenzas atopas?

3. Outra das súas coñecidas obras leva por título "La noche estrellada". Aquí amósoche un anaquiño do cadro, continúao ti conforme penses que seguirá. Logo, se clicas na imaxe poderás ver o cadro completo. 

4. Para finalizar, propóñoche unha canción adicada ao autor. Podes lela e crear un ritmo para ela. Mesmo podes inventar ti unha!

Moito ánimo neste venres e boa finde!❤

Día do Libro

Sumamos outra conmemoración nesta semana. Hoxe, 23 de abril, celébrase o Día do Libro. 

Pero antes quería compartir con vós o doodle que onte google compartiu polo día da terra e que onte se me escapou!

https://www.google.com/doodles/earth-day-2020

Agora si, celebremos o día do libro! Colle o teu libro favorito e volve lelo ou empeza ese que aínda está sen ler. Eu deixoche por aquí algúns por se queres botar un ollo!

Pero tamén te podes animar a inventar o teu propio conto! Sería unha das actividades que tiñamos pensadas na aula para celebrar este día pero como non vai ser posible facelo entre todos e todas, podemos ter ata 15 contos diferentes polo que será moito mellor aínda!

Tamén hai algunhas manualidades que podemos elaborar no día do libro!

Agardo que desfrutedes do día do libro e o celebredes na medida do posible! Apertas!❤

Día da Terra

Hoxe, 22 de abril, volve a ser un día moi especial pois celébrase o Día Mundial da Terra. 

Esta celebración outórganos un espazo para reflexionar sobre o importante que é coidar o noso planeta e pensar que estamos facendo para logralo. Debemos procurar que o día da terra sexa todos os días do ano con actividades como reutilizar materiais, reciclar o lixo e separalo no lugar correspondente como xa faciamos no cole, etc. 

Un día Pétala vai regar as plantas e descobre que non hai auga. Disposta a buscar o motivo, voa ata as nubes e dase conta de que un enorme dragón se apoderou da casa da choiva... Queres coñecer que lle ocorre a Pétala? 

La lectura de este cuento puede constituir una buena estrategia para estimular la conciencia medioambiental en la infancia, porque en el lector se genera de manera natural un nuevo concepto de la importancia del agua, después de haber experimentado con el álbum. Finalmente, Pétala convertida en narradora, contará su aventura, y nos revelará a todos un secreto: los dragones, por feroces y monstruosos que parezcan, también tienen miedo.

Que che pareceu o conto de Pétala? Vedes canta importacia ten coidar da auga? 

Agora propóñoche unha serie de actividades para conmemorar este día tan importante :

1. Podes realizar un Pop-Up sobre o Día da Terra, así cada vez que o vexas lembrarás a importancia de coidar o noso planeta. Podes debuxar a túa árbore favorita, o lugar da natureza polo que che gusta camiñar ou o que a ti se che ocorra. Despois, podes pedirlle axuda a papá e mamá para montar o Pop-Up. Mira un exemplo: 

2. O parchís da reciclaxe. Divírtete un pouco cunha versión un pouquiño diferente deste xogo tan popular!

3. Crear obras con elementos reciclados, reutilizando materiais que xa non nos serven. 

4. Deixo tamén unha actividade moi divertida para facer papel reciclado. Se dispoñedes dos utensilios na casa e vos animades pode ser moi interesante!

Un saúdo e bo día para tod@s!❤

Día Mundial da Creatividade

Hoxe, día 20 de abril, celébrase o Día Mundial da Creatividade e a Innovación.

Son moitas as actividades creativas que podemos facer e, sobre todo, poden facer os nenos e nenas de infantil grazas a súa imaxinación e creatividade. 

Unha das tarefas que che propoño hoxe é un taller de modelado. Que che parece? Como non sei se todas e todos tedes pasta para modelar na casa, vouvos achegar unha receita para facer pasta de sal similar á que fixemos a comezos de mes, se recordades era plasti pero podía empregarse tamén como masa de sal. Se clicas na imaxe poderás acceder a un exemplo de elaboración desta masa: 

Unha vez que elaboraches a masa, deixar voar a túa imaxinación e constrúe o que se che ocorra. Cando xa estea seco, poderás decorar a túa obra. 

Outra das tarefas pode ser poñer a disposición dos nenos e nenas unha serie de materiais dos que dispoñamos na casa para que realicen as súas creacións, combinando materiais, cores, obxectos, etc. Se temos abalorios, tamén podemos realizar pulseiras ou colares pensando as combinacións que desexemos. En caso de non telos, podemos pintar macarróns, por exemplo, e quedarannos uns colares moi vistosos. 

Tamén podemos dramatizar un conto que lle guste aos pequenos e pequenas ou inventalo ou crear diferentes títeres previamente para representalo despois e realizar unha especie de obra de teatro. 

Anímaste a poñer en práctica a túa creatividade? Ánimo e a polo martes creativo!❤

Mariluz Avestruz

Bos días de luns a tod@s! Como comeza a semana?

Hoxe o conto que che propoño ten como protagonista un animaliño, a ver se te das conta de cal é coa seguinte adiviña:

Corre más que un caballo

y tiene plumas de un gran gallo.

Sii, é unha avestruz e o título do conto é Mariluz Avestruz. 

Mariluz Avestruz tiene una magnífica cola. Por la noche, para no aplastarla duerme con la cabeza enterrada y con la cola al aire libre. Una mañana, al despertar, estira el cuello y siente que su cabeza no se mueve. Mariluz patalea, dobla las rodillas, menea la cola y tira, tira, y tira… pero su cabeza está atrapada y de ahí no se mueve. Si quiere soltarse, no tendrá más remedio que pedir ayuda.

Ao mellor xa o tes na casa, senón aquí che deixo un conto en forma de canción para coñecer a Mariluz, a ver que che parece co que podes facer moitas actividades que xa coñeces!

Tamén podes debuxar a Mariluz e decorala con plumas e algunhas manualidades como as seguitntes: 

Un saúdo e a polo luns!

Venres de arte!

Como vai este venres? Xa estamos, outra vez, ás portas da fin de semana. 

O último venres coñecemos un pouco máis sobre Joan Miró. 

Neste caso, achegarémonos á obra de Vasili Kandinski. Coñécelo? É un pintor ruso, precursor da arte abstracta, pero se queres coñecer un pouco máis da súa obra podes clicar encima da súa fotografía. Pódeslle pedir a alguén que che lea algo máis da súa traxectoria! Mira que obra tan colorida! 

Animaste a realizar algunhas tarefas sobre este autor? A poñer en funcionamento a túa imaxinación e creatividade? Estas che propoño: 

• 1ª tarefa: Podes buscar información sobre o autor e elaborar a súa ficha técnica para comprobar que datos curiosos podemos coñecer sobre el. Para iso, achego unha mostra de plantilla aínda que podes rexistralo como ti desexes. 

• 2ª tarefa: Kandinski establecía unha relación moi forte entre a música e a arte así que adoitaba escoitar a autores como Wagner e Schönberg mentres realizaba as súas producións. Nesta tarefa, propóñoche que ti tamén escoites a estes autores ou outros que che apeteza e plasmes os sentimentos e emocións que che provocan esas composicións nun debuxo, por exemplo. Aquí che deixo un exemplo: 

• 3ª tarefa: Kandinski emrpegaba formas xeométricas para a realización das súas obras. Anímaste a facer ti algunha? Aquí che deixo un exemplo da obra deste autor. 

• 4ª tarefa: que che parece a obra de círculos que puxen máis arriba? A idea desta derradeira tarefa é que realices a obra na túa casa cos materiais que desexes. Ademais, podedes realizar tamén un só dos cadrados con círculos concéntricos de maneira que cando se produza a reincorporación ás aulas poidamos elaborar unha obra colaborativa. 

    Algún exemplo: 

Moito ánimo e saúdos de venres para tod@s!❤